MS-DOS

A historia comeza en 1981, coa compra por parte de Microsoft, dun sistema operativo chamado QDOS, que tras realizar unhas poucas modificacións, se convirte na primera versión do sistema operativo de Microsoft MS-DOS 1.0 (MicroSoft Disk Operating System)

A partires de aquí, sucédense unha serie de modificacións do sistema operativo, ata chegar á versión 7.1, a partires da cal MS-DOS deixa de existir como tal e se convirte nunha parte integrada do sistema operativo Windows.

CRONOLOXÍA DE MS-DOS

En 1982, aparece a versión 1.25, coa que se engade soporte para disquetes de doble cara.

Non é ata o ano seguinte, 1983, cando o sistema comeza a ter máis funcionalidade, coa súa versión 2.0, que engade soporte a discos duros IBM de 10 MB, e a posibilidade de lectura-escritura de disquetes de 5.25" con capacidade de 360Kb. Na versión 2.11 do mesmo ano, inclúense novos caracteres de teclado.

En 1984, Microsoft lanzaría a súa versión 3.0 de MS-DOS, e é entón cando se engade soporte para discos de alta densidade de 1,2MB e a posibilidade de instalar un disco duro cun máximo de 32MB.

Nese mesmo ano, ampliaríase na versión 3.1 o soporte para redes Microsoft.

Non é ata 3 anos máis tarde, en 1987, cando se lanza a versión 3.3 con soporte para os coñecidos e actuais disquetes de 3,5", e permítese o uso de discos duros maiores de 32 MB.

Es no 1988 cando Microsoft saca ao mercado a súa versión 4.0 e con ela o soporte para memoria XMS e a posibilidade de incluir discos duros de ata 2GB, cabe destacar que esta versión foi a maior catástrofe realizada pola empresa, xa que estaba chea de bugs, fallos, etc... isto arranxouse en 1989 co lanzamento da versión 4.01 que solucionaba todos estes problemas e fallos.

Un dos avances máis relevantes da historia de MS-DOS, é o paso en 1991 da versión 4.01 á versión 5.0, na que DOS, é xa capaz de cargar programas na parte da memoria alta do sistema empregando a memoria superior (dos 640Kb aos 1024Kb). Na versión 5.0 engádese o programador BASIC e o famoso editor EDIT. Tamén se introduciron as utilidades UNDELETE (Recuperación de ficheiros borrados), FDISK (Administración de particións) e unha utilidade para facer funcionar os programas deseñados para versións anteriores de ms-dos, chamada SETVER. É a finais de 1992 cando se resolven uns problemas con UNDELETE e CHKDSK na versión 5.0a.

En 1993, aparece MS-DOS 6.0 con moitas novidades, entre elas a utilidade Doublespace que se encargaba de comprimir o disco e así ter máis espacio dispoñible, tamén se incluiu un antivirus básico (MSAV), un defragmentador (DEFRAG), un administrador de memoria (MEMMAKER) e suprimíronse certas utilidades antigas, que facendo un mal uso delas podían destruir datos, estas utilidades eran JOIN e RECOVER entre outras.

No mesmo ano sae a versión 6.2 que engade seguridade á perdida de datos de Doublespace, e introduce un novo escáner de discos, SCANDISK á vez que soluciona problemas con DISKCOPY e SmartDrive. Na versión 6.21 aparecida tamén nese ano 1993, Microsoft suprime Doublespace e busca unha nova alternativa para esta utilidade.

Un ano máis tarde, en 1994, aparece a solución o problema de Doublespace, é a utilidade da compañía Stac Electronics, Drivespace, a escollida para incluirse na versión 6.22.

É xa no ano 1995 cando aparece Microsoft Windows 95, que supón apartar a MS-DOS a un plano secundario.

Aínda así en 1995 aparece unha nova versión, a 7.0, coa que se corrixen multitude de utilidades e se proporciona soporte para nomes longos. As utilidades borradas do anterior sistema operativo podémolas atopar no directorio do cd de windows 95 \other\oldmsdos.

En 1997 aparece Windows 95 OSR2, e con el unha revisión exhaustiva do sistema DOS, engadindo o soporte para particións FAT32, e aquí llega ao seu fin a historia das versións de MS-DOS.

Na actualidade, pouca xente emprega MS-DOS, e a maior parte lembrámonos del cando windows non é quen de realizar a tarefa que estamos a facer ou cando Windows falla.

Moitos técnicos na área da informática, empregan MS-DOS para realizar mantementos do pc, instalacións, formateo e particionamento de discos duros ou escaneo dos mesmos.

Hai que deixar constancia de que MS-DOS foi o sistema operativo usado por practicamente todos os usuarios de PC dende 1981 ata practicamente a actualidade, utilizando programas famosos para traballar coma o lexendario WordPerfect 5.1, Works 2.0, Comandante Norton, Autocad, Ability 2000 entre outros...

Enlace empregado para realizar a entrada